Мальта Gaming Authority

Autoriteti Maltez i Lojërave ose në anglisht Malta Gaming Authority (MGA) është organi përgjegjës për të shumicën e lojërave të fatit në shtetin e vogël të Maltës. Këtu përfshihen lojërat në kazino, bastet sportive, lojërat slot, llotaritë si dhe çdo shërbim i ngjashëm që operon online.

Qëllimi dhe rëndësia e tij

Ky institucion u krijua në vitin 2001, me qëllim regullimin e tregut të lojërave të fatit, për t’u ofruar klientëve transparence Gjithashtu në qendër të veprimtarisë së MGA është dhe ndalimi i korrupsionit dhe pastrimit të parave në këtë sektor, si dhe mbrojtja e personave të rrezikuar që mund të bien pre e varësisë ndaj kumarit. Ky autoritet mban një peshë të rëndësishme në shtetin e Maltës dhe për faktin se industria e lojërave të fatit në këtë vend përbën 12% të GDP (prodhimi i brendshëm bruto).

Autoriteti Maltez i Lojërave konsiderohet si një nga autoritetet më prestigjoze kur vjen fjala te kontrolli i veprimtarisë së kompanive të basteve dhe lojërave të fatit. Ai ka nën licensën e tij disa nga kazinotë online më të famshme në botë. MGA ishte ndër të parët institucione që u kujdes në mënyrë të veçantë për të ofruar legjislacione për aktivitetet e lojërave të fatit online. Në këtë mënyrë, ajo krijoi një mjedis më të sigurt për lojtarët, por dhe një treg konkurrues më të ndershëm për operatorët.

Ndër detyrat kryesore të MGA janë:

• Licensimi dhe vendosja e rregullacioneve për operatorët e lojërave të fatit.
• Promovimi i kumarit në mënyrë të përgjegjshme, duke mbrojtur personat më në rrezik dhe ata nën moshën e lejuar.
• Mbrojtja e parave të lojtarëve, duke siguruar se çdo transfertë është e sigurt dhe e detyrueshme të kryhet sipas afatit të caktuar.
• Auditimi i pavarur dhe profesional i lojërave dhe software-ve të përdorur, për të siguruar ndershmërinë e këtyre lojërave.
• Monitorimi i vazhdueshëm i kompanive të licensuara për t’u siguruar se vazhdojnë të operojnë në përputhje me kushtet e kërkuara.
• Investigimin e ankesave të lojtarëve dhe monitorimin e aktiviteteve potencialisht të jashtëligjshme që mund të ndodhin.

Asistenca për lojtarët

Përveç se një institucion që merret më shumë me operatorët, MGA është një autoritet që në rast nevoje, jep ndihmë maksimale dhe për lojtarët. Në qoftë se jeni duke luajtur në një faqe online të licensuar nga MGA, dhe hasni probleme, mund të kontaktoni menjëherë autoritetin dhe ata do të mundohen të kuptojnë më mire situatën. Dhe më pas do t’ju ofrohet asistenca e duhur.

Në faqen e saj zyrtare në web, Autoriteti Maltez i Lojërave jep dhe një listë të parimeve kryesore mbi të cilat ky organ operon dhe bazon punën e tij. Kodi i etikës të MGA bazohet tek: përgjegjësia, respekti reciprok, ndershmëria, e drejta, komunikimi dhe kompetenca profesionale. Të gjitha këto janë baza e suksesit të këtij autoriteti, si dhe arsyeja e besimit që lojtarët kanë kur shikojnë logon e MGA në faqet online.

Ky institucion gjithashtu ka lançuar prej kohësh fondacionin e tij për të ndihmuar njerëzit që kanë rënë pre e varësisë ndaj kumarit. “The Responsible Gaming Foundation” është emri i fondacionit dhe shërben si një tjetër mundësi asistence për të gjithë lojtarët që mund të kenë nevojë.